Monday, August 3, 2009

യജമാനന്‍

യജമാനന്‍

പിച്ച നല്‍കും തെണ്ടിയും

യജമാനന്‍ തന്നെ ആ നിമിഷം

Monday, December 29, 2008

സീനിയര്‍ സിറ്റിസണ്‍ ക്ലബ്ബ്‌

സീനിയര്‍ സിറ്റിസണ്‍ ക്ലബ്ബ്‌

എല്ലാ പ്രവൃത്തി ദിവസം വെള്ളിയാഴ്‌ചകളിലും ചൊവ്വാഴ്‌ചകളിലും പോലീസ്‌ സ്‌റ്റേഷനിലെ മുഴുവന്‍ പോലീസുകാരേയും പരേഡ്‌ പതിവാണ്‌.പരേഡിനായി അണിനിരക്കുമ്പോള്‍ പല കാര്യങ്ങളും . ഒരു വെള്ളിയാഴ്‌ച രാവിലെ പരേഡിനു ശേഷം എല്ലാ പോലീസുകാരുടേയുംസാന്നിധ്യത്തില്‍ എസ്‌.ഐ സ്‌റ്റേഷനിലെ യൂനിറ്റുമെമ്പറായ യൂസഫിനോടായി ചോദിച്ചു

"ഇന്നല്ലേ യൂസഫ്‌ നമ്മുടെ സീനിയര്‍ സിറ്റിസണ്‍ ക്ലബ്ബിന്റെ ഉത്‌ഘാടനം ആളുകളോടൊക്കെ പറഞ്ഞിട്ടുണ്ടല്ലോ അല്ലേ ?"

ഓരോ പോലീസ്‌ സ്‌റ്റേഷനെ കേന്ദ്രീകരിച്ചും അറുപതു വയസ്സിനു മുകളില്‍ പ്രായമായ ആളുകളെ ഉള്‍പ്പെടുത്തി ഒരു കട്ടായ്‌മ രൂപപ്പെടുത്തുന്നതിന്‌ സര്‍ക്കാര്‍ തലത്തില്‍ നിര്‍ദ്ദേശം ഉണ്‍ായിരുന്നു." എല്ലാം സാര്‍ "മറുപടി പറഞ്ഞു'

അതിനുള്ള ആളുകളൊക്കെ ആയോ സാര്‍ ഞാന്‍ എന്റെ സംശയം പ്രകടിപ്പിച്ചു'

ആയീന്നല്ലേപ്പം യൂസഫ്‌ പറഞ്ഞത്‌ എസ്‌ .ഐ തന്റെ നിസ്സഹായത വെളിപ്പെടുത്തി.'

ഇല്ല സാര്‍ അത്‌ ശരിയായിരിക്കില്ല അറുപതു വയസ്സിനുമുകളില്‍ പ്രായമായ കുറച്ച്‌്‌ ആണുങ്ങളുടെ ക്ലബ്ബായിരിക്കും . ' ഞാനെന്റെ ആശങ്ക തുറന്നു പറഞ്ഞു.

അങ്ങനെയാണോ യൂസഫേ.........?

സ്‌ത്രീകളാരും ഇല്ല സാര്‍........യൂസഫ്‌ മറുപടി പറഞ്ഞു

ഇല്ലാത്തതല്ല അവരെ അറിയിച്ചിട്ടുതന്നെയുണ്ടാവില്ല. ഞാന്‍ ആത്മഗതം പറഞ്ഞു

സ്‌‌ത്രീകെളാരും തയ്യാറല്ല സാര്‍ അയാളുടെ അറിവു നിരത്തി...

വിനയക്ക്‌ സ്‌ത്രീകളെ കൊണ്ടു വരാന്‍ കഴിയുമോ എസ്‌‌.ഐ തെല്ലു പ്രതീക്ഷയോടെ എന്നെ നോക്കി.ഇപ്പം തന്നെ സമയം എട്ടരയാകാറായി ഒന്നര മണിക്കൂറുകൊണ്ട്‌‌ ഞാനെങ്ങനെ സംഘടിപ്പിക്കാനാ സാറേ

എന്തായാലും ഞാന്‍ ശ്രമിക്കാംആണുങ്ങള്‍ എത്ര പേരുണ്ട്‌ യൂസഫേ.......

പത്തു പേരുണ്ടാവും അല്‌പം ശങ്കയോടെ യൂസഫ്‌ മറുപടി പറഞ്ഞു

പരേഡ്‌ടൈം കഴിഞ്ഞപാടെ ഞാന്‍ വൈത്തിരി ടൗണിലേക്കോടി.എനിക്കു കണ്ടു പരിചയമുള്ള രണ്ടു പ്രായമായ സ്‌ത്രീകളെ കണ്ടു അവരില്‍ നിന്നും ഒരു നഴ്‌്‌്‌സിനെക്കുറിച്ചുംമൂന്നു ടീച്ചര്‍മാരെക്കുറിച്ചും വിവരം കിട്ടി.ഓരോ വീട്ടിലും പോയി ഉദ്ദേശിച്ച ആളെ നേരിട്ട്‌്‌്‌്‌ കണ്ട്‌്‌ വിവരം പറഞ്ഞു..അവരെല്ലാം വരാന്‍ തയ്യാറായി.പെന്‍ഷന്‍ പറ്റിയ സ്‌ത്രീകളെല്ലാം പ്രത്യേകിച്ചൊരു എന്‍ഗേജുമെന്റെും ഇല്ലാത്തതിന്റെ പേരില്‍ വിഷമിക്കുന്നവരായിരുന്നു.ഞാന്‍ ഒന്‍പതര മണിയോടെ സ്‌റ്റേഷനില്‍ തിരിച്ചെത്തി.മീറ്റിംഗിന്റെ സമയമായപ്പോഴേക്കും ആറു സ്‌ത്രീകള്‍ സ്‌റ്റേഷനിലെത്തിയിരുന്നു.അന്നു നടന്ന തിരഞ്ഞെടുപ്പില്‍ പ്രസ്‌തുത ക്ലബ്ബിന്റെ പ്രസിഡണ്ടായും ഖജാന്‌ജിയായും രണ്ടു സ്‌ത്രീകള്‍ തിരഞ്ഞെടുക്കപ്പെട്ടു.ഇന്ന്‌ ആ ക്ലബ്ബില്‍ അന്‍പതില്‍ കൂടുതല്‍ സ്‌ത്രീകളുണ്ട്‌.മനപ്പൂര്‍വ്വം അവസരങ്ങള്‍ നിഷേധിക്കുന്നതുകൊണ്ടു മാത്രം ഇത്തരത്തിലുള്ള എന്തെല്ലാം ക്ലബ്ബുകളും മറ്റുമായിരിക്കും അവള്‍ക്ക്‌ നഷ്ടപ്പെട്ടുകൊണ്ടിരിക്കുന്നത്‌ ?

Sunday, December 28, 2008

നമ്മുടെ പുതു ചൊല്ലുകള്‍


1 ആണിന്റെ വാക്കും പട്ടീന്റെ കൊരേം കണക്കാ

2 ആണിന്റെ സുഖം പോലെ

3 ആണിന്റെ സുഖം ഒരു നിമിഷത്തേക്ക്‌

4 മുരിങ്ങേന്റെ ഒറപ്പും ആണിന്റെ വിശ്വാസോം കണക്കാ

5 ആണിന്റെ വിശ്വാസം പോലെ

6 പല്ലി ഉത്തരം താങ്ങുന്നതുപോലെയാണ്‌ ഭാര്യയുടെ ഗര്‍ഭത്തില്‍ അഭിമാനിക്കുന്നത്‌

7 പെണ്ണുതാവഴി സത്യവും ആണുതാവഴി വിശ്വാസവുമാണ്‌

8 ആണിന്റെ സദാചാരം വെറും പൊള്ള

9 വീട്ടിനുള്ളിലെ പൂച്ചയെ സ്‌നേഹിച്ചാലും പുരുഷനെ സ്‌നേഹിക്കരുത്‌.

10 കാശു കൊടുത്ത്‌ കടിക്കുന്ന പട്ടിയെ വാങ്ങുന്നതു പോലെയാണ്‌ സ്‌ത്രീധനം കൊടുത്ത്‌ ഭര്‍ത്താവിനെ വാങ്ങുന്നത്‌

11 തന്തയുടെ നഷ്ടം നികത്താവുന്നതാണ്‌ തള്ളയുടെ നഷ്ടം നികത്താനാവാത്തതും

12 കുട്ടികള്‍ക്ക്‌ മിഠായി പോലെയാണ്‌ പുരുഷന്‌ കസേര

13 പുരുഷന്റെ ആധികാരികത ഉള്ളിക്കാമ്പുപോലെ

14 ആണിന്റെ മിടുക്ക്‌്‌്‌ ആണിയോളം

15 ആണിനെ വിശ്വസിക്കുന്നത്‌്‌ പാമ്പിനെ വിശ്വസിക്കും പോലെയാണ്‌.

16 നായയും ആണും കാവലിനു പറ്റും

17 പുത്തന്‍ മാപ്പിള പൂതിക്ക്‌ പിന്നെ മാപ്പിള നക്കിത്തിന്നും

18 ആണും ചക്കും ആട്ടുംതോറും നന്നാകും

19 വയസ്സായ പുരുഷനും പല്ലുപോയ സിംഹോം കണക്കാ

20 സ്‌ത്രീ പ്രകൃതിയെ നിലനിര്‍ത്താന്‍ പഠിപ്പിക്കുമ്പോള്‍ പുരുഷന്‍ അത്‌ നശിപ്പിക്കാന്‍ പഠിപ്പിക്കുന്നു
21 ആണിനെ മാനിച്ചാല്‍ ആട്ടും തുപ്പും

22 ഒരുമ്പെട്ട ആണും പേ പിടിച്ച നായേം കണക്കാ

23 നാലാണു കൂടിയാല്‍ നാടാകെ നാറും

24ആണിന്റെ ശത്രു ആണ്‌

25 ഒറ്റക്കു താമസിക്കുന്ന ആണിനെ ഒറ്റയാനോളം പേടിക്കണം

26 നായേന്റെ വാലും ആണിന്റെ മര്യാദേം

27 പുള്ളിപ്പുലിക്ക്‌ പുള്ളിപോലെയാണ്‌ ആണിന്‌ വങ്കത്തം

28 ആണ്‍കോന്തി കഴുതക്ക്‌ സമം

29 ആണിന്റെ സ്‌നേഹം പ്രകടനം മാത്രം

30 ആണടുക്കുന്നത്‌്‌ കാര്യസാധ്യത്തിനു മാത്രം

31 ആണും ഉപ്പും കുറച്ചു മതി

32 ആണു നിനച്ചാല്‍ നരകോം സ്വര്‍ഗ്ഗേം

Saturday, December 27, 2008

സര്‍പ്പഗന്ധി: നീയാണ്‌ യഥാര്‍ത്ഥ സഖാവ്‌

സര്‍പ്പഗന്ധി: നീയാണ്‌ യഥാര്‍ത്ഥ സഖാവ്‌

ഒരാള്‍ അയാളുടെ ഐഡിയോളജിക്കനുസരിച്ച്‌ ജീവിക്കുക എന്നു പറഞ്ഞാല്‍ കുപ്പിച്ചില്ലിലൂടെ നടക്കുക എന്നതാണ്‌.മുരളിക്ക്‌ എന്റേയും അഭിനന്ദനം

എന്റെ തത്വങ്ങള്‍

ആധി

ഈ ലോകമറിയുമോ എന്റെ കൃത്യങ്ങള്‍

‍എന്നുള്ളോരാധിയും ഇന്നോളമെനിക്കില്ല

ഭക്ഷണം

മറ്റുള്ളോര്‍ കഴിക്കുന്നു എന്നുള്ളതല്ല

എന്റെ വിശപ്പിനെ ശമിപ്പിക്കുവാനാണ്‌.

പേടി

എന്തിനു പേടിക്കണം സമൂഹത്തെ നമമള്‍

‍പേടി നിര്‍ബന്ധമെങ്കില്‍ സമൂഹം പേടിച്ചോട്ടെ

തൃപ്‌തി

കുഞ്ഞിനെ ചിരിപ്പിക്കാന്‍ കളിപ്പിക്കുന്നതല്ല

അച്ചിരി കണ്ടിട്ടെന്റെ ഉള്ളം കുളിര്‍ക്കാനാ...

സേവനം

ചോരയില്‍ കുതിര്‍ന്നൊരു നാരിയെ രക്ഷിച്ചത്‌

സൈ്വരതയാലേയെനിക്കു്‌റങ്ങാന്‍ മാത്രമാണ്‌.

വാക്ക്‌

നാളെ ഞാന്‍ ആരുടേതാണെന്ന്‌ എനിക്കറിയില്ല

എങ്കിലും ഒന്നറിയാം ഇന്നു ഞാന്‍ നിന്റേതാണ്‌

തല

തലയെത്രകുനിക്കണം ഞാന്‍

തലകുനിക്കാതൊന്നു നില്‍ക്കാന്‍

ആശ

ആശ ലേശമെനിക്കില്ല

കീശയിലൊട്ടു കാശുമില്ല

വീട്‌

മറ്റെങ്ങും പോകാനില്ലാത്തപ്പോള്‍

‍പോകാനുള്ള ഇടമാണ്‌ എനിക്കു വീട്‌

സ്‌ത്രീകള്‍

‍മറ്റാരുടേയോ ചെറിയ സന്തോഷം ഇല്ലാതാക്കാന്‍

തങ്ങളുടെ വലിയ സന്തോഷം

തന്നെ വേണ്ടെന്നു വെക്കുന്നവര്‍